Vetëm një ditë pasi la detyrën e Presidentit të Republikës, Ilir Meta kthehet pas 5 vitesh mungesë sot në partinë që ai themeloi në vitin 2004, Lëvizja Socialiste për Integrim.
Meta doli sot para mediave për herë të parë nga selia e LSI-së, ku u shpreh se kryeministri Rama po mban peng integrimin evropian të vendit.
Ai u shpreh krenar që në vitin 2004 krijoi një forcë politike për të ndihmuar në integrimin evorpian të vendit. Një forcë politike, sipas Metës, që jo vetëm i dha vendit stabilitet por edhe liberalizimin e vizave dhe firmosjen e marrëveshjes së stabilizm – asociimit.
“Një ditë e re një agim i ri dhe një rrugë e re. Erdha sot këtu sepse kisha pak nostalgji për dokumentin e LSI edhe sepse jam krenar që në vitin 2004 krijova një force politike për të shpëtuar integrimin e Shqipërisë që mbahet peng nga PS. Falë angazhimit të LSI u bë rotacioni u kleptokracia humbi dhe në vitin 2006 Shqipëria firmosi marrëveshjen e stabilizim asociimit që Mali i Zi dhe Serbia i firmosën më pas. por ata i kanë çelur negociata. ne në pamundësi për ti shtyrë edhe më tej nga regjimi kleptokratik i hapëm tani dhe shkarkuam kryenegociatorin pa nisur akoma negociata duke treguar përkushtimin e atyre që urrejnë BE, zgjedhjet, konkurrencën, pluralizmin median e lirë dhe të pavarur.” Tha ndër të tjera ish-Presidenti Meta në nisje të fjalës së tij.
